فكر تبص لكل حاجه بتعيشها علي انها اخر مره تتعاش
تركن وجعك والمك وتقرر تتبسط وتاخد لقطه وصوره لكل ذكري وموقف بيتم في حياتك
وسط ضغطت المشاغل والشغل والزحمه والناس اعتقد بقينا محتاجين نركز مع نفسنا شويه
محتاجين ناخد قدر من الراحة والفرحه اللي تشجعنا ناخد خطوات جديده لقدام بشكل مختلف
محتاجين نتعرف علي صحاب جديده محتاجين ناكل اكله مختلفه ... محتاجين خروجه في مكان جديد وكان صوره في اخر اليوم يفكرونا بيه سنين لقدام
سيبوا لنفسكم مساحه للانبساط ... خد عيلتك صحابك ولادك وقرر تنبسط وتفصل من كل الدوشه اللي حواليك
محتاجين نحس بنفسنا ونشحنها بطاقه ايجابيه ... ومتاكده انك بعدها هيبقي عند الباور الكافي اللي تخوض بيه معركتك في يوم جديد ......
لسه فيها حاجات معشناهاش .. لسه فيها صور مخدناهاش .. لسه فيها ناس مقابلناهاش ..
من حقك تفرح؛تتنطط؛تغني؛تضحك باعلي صوت
افرحوا لأن قلوبكم تستاهل تفرح
خواطر اول الليل
بقلم جورجينا امجد
جريدة إرتجال|عالم الكتابة
ليست هناك تعليقات:
إرسال تعليق