اخدت نفس طويل وهتبدا الكلام اللي هي عارفه ومتاكده أنه طالع من كوم وجع وقالت :
بس انا تعبت ..انا مبقتش قادره استحمل كل الضغوط دي ..انا حتي مش عارفه ابينلهم اني مش كويسه من كتر ما هما فاكرني قويه وقادره استحمل كل حاجه بس انا مش كدا انا بتعب وبتوجع وبتكسر يمكن مش بتكلم كتير بس حقيقي مش قادره
وبعد كدا سكتت شويه وقالت : طب هو انا هفضل كدا لحد أمتي ؟ يعني هفضل حاسه بالوجع دا لحد أمتي ؟ هيفضل قلبي ع طول واجعني لحد أمتي ؟ هفضل استني الليل علشان اقعد ابكي لحد أمتي ؟ طب هفضل اضحك ع نفسي كتير واقول أنها فتره وتعدي وانا من جوايا عارفه ومتاكده أن مفيش حاجه هتعدي غيري ومفيش حاجه بتتسحب مني غير روحي !
وفجاه عينها رغرغت وبدأت تبكي وقالت : انا حتي مكنتش بطلب حاجات كتير كل طلباتي كانت بسيطه لي يحصلي كل دا ! لي اتاذي بالشكل دا ومن اقرب ناس ليا ؟ انا معملتش حاجه غير اني حبيتهم والله ومكنتش بعمل حاجه ليهم غير كل خير هو دا جزاتي يعني !!!
وف الاخر تعبت ورفعت عينها لالسماء وقالت : اتصرف انت ي رب انا تعبت ومبقتش قادره اسكت ولا حتي قادره احكي ..انت الوحيد اللي عارف كل حاجه .. مستنيه المعجزه بتاعتك اللي هتصلح كل الخراب اللي جوايا
..
اوقات كتير بيبقا في ناس فينا دايما بنشوفهم جامدين ولازم يكونوا بيستحملوا كل حاجه وكأنهم حجاره مثلا ولا جهاز كمبيوتر لازم يبقا عايزه كميه كبيره اوي من الملفات من غير ميبوظ ودا غلط جدا كل واحد فينا فيه نقطه ضعف وعنده اوقات وجع وحزن وكسره بس مش دايما بنبقا عارفين دا هما بيفضلوا ساكتين والعالم بياخدهم كحق مكتسب أنهم ولا بيزعلوا ولا بيتعبوا ودا بيتعب ويوجع اكتر ..صعب جدا تبقا في فتره وتلاقي الكل بيتحط عليك ضغوط والمشكله انك لازم تبان قوي !
كونوا مسكن ع بعض يا جماعه الأيام تقيله علي الكل بشكل مبالغ فيه والله ..خليكم سند لبعض مش وجع واذيه اكتر !
#شويه_فضفضه
_مريم باسم
جريدة إرتجال | عالم الكتابة
ليست هناك تعليقات:
إرسال تعليق