السلام عليكـُم
الصحفيّـة مريم ربيع 'جريـدة ارتجـال' ، نتشرّف بعمل حوار صحفي مع الكاتـِبة المـُبدعــة: روان ناجح
عرفينـا بنفسـِك وإزاي بدأتِ في مجال الكـِتابة؟
روان ناجح، 16 سنة، محافظه قنا، بدرس في تمريض خاص.
بدأت كتابة عن طريق الشاعرة سلمى سنجاري، هي اللي عرضت عليا إني اكتبلك وكده، بدأت الأول بكتاب منفرد إلكتروني وبعد كده عملت كتاب ورقي هي اللي فهمتني الموضوع وكده وبدأت من ساعتها يعني.
ممكن نعرف بدأتِ كتابة من إمتي؟
بدأت الكتابة من سنة تقريبًا بعد كده وقفت فترة بسبب الدراسة ورجعت تاني بفضل الله.
مين أول من قدم لكِ الدعم في المجال وشجعك تكملي؟
أول حد شجعني أكمل أمي وإخواتي برضو وصحابي وناس كتير كُتّاب شجعوني وقالولي إنك هتوصلي، وإسلام برضو عمري ما أنساه أكيد.
ما هي الصعوبات التي واجهتك؟ وكيف تخطتيها؟الصعوبات طبعًا كان الانتقاد، الكلام الكتير اللي هو أنتِ إيه اللي بتعمليه ده، إيه الهبل ده، بتضحكي على نفسك... الكلام اللي هو ده يعني.
تخطيتها بإني أخد كل انتقاد كنصحية ليا، يعني لما حد يقولي مش هتوصلي كنت بصر على نفسي علشاه أكسر الشخص ده وكنت بتجاهل دايمًا.. أهم حاجه التجاهل.
هل لديكِ أي أعمال ورقيـة؟
الأعمال الورقية: كتاب مجمع اسمه "ما يدور في العقل".
ما هي فكرة أعمالك اللي كتبتيها أو شاركتِ فيها؟شاركت في أكتر من كتاب إلكتروني وعملت كتاب إلكتروني منفرد اسمه" بداية الحلم" وشاركت في كتاب ورقي مجمع اسمه "ما يدور ف العقل".
ما هي الشخصيات اللي أثرت فيكِ ككاتِبة؟
الشخصيات كان الأستاذ عصام فراج كان دايمًا بيصصح أي غلط أو تعليق وبرضو كانت مريم ربيع القالع كنت بشوفها بقول اللهم بارك، الواحد في يوم من الأيام يتمنّى طبعًا إنه يبقا زي الناس دي.
لكُل شخص مثل أعلى يتأثر بخطواتــهِ، من مثلك الأعلى؟
مثلي الأعلى... والله يعني برضو الأستاذ عصام ليه كل الفضل وناس كتير كتاب يعني كويسين وإنجي أحمد.
ما هي الحكمة التي أخذتيها نهجًا لكِ في الحياة؟الحكمة كانت" أفعل كل ما تريد وبوسعك في صمت" يعني الواحد ميقولش أنا هعمل إيه، يقول عملت بس ميقولش هعمل.
ما هي خططك القادمة؟
الخطة القادمة بإذن الله كتاب منفرد ورقي.
هل لديكِ مواهب أُخرى؟
عندي موهبة في إلقاء الشعر والإنشاء الديني.
نصيحـة للمواهب المُبتدئة والمُعرّضـة دائمـًا للانتقاد والإحباط ولو أنتِ مِنهـُم شايفـة إيه أكتر حاجه تساعدهـم؟
نصحية لأي حد مُبتدئ إنه يكمل ويصر على حلمه وميمسعش لأي حد ينتقده ويكمل لأنه هيسمع كتير وهيواجه كتير كلام بس يتجاهل ويصر على حلمه.
اتركي نص من كتاباتك.
لقد خذلني الجميع يا الله ولم يبقى معي إلا أنت، لقد أرهقني الحزن وأرهقني التعب وأرهقتني الحياة، لقد خذلني أهلي وأحبتي وحتى أصدقائي، لم يبقى لي سوى نفسي وأنت، أتمنّى أن أتعافى من هذا الخذلان لأنه كان صعب عليّ ولم أكن جاهزة لكل هذا الخذلان، ولا كنت أتوقع هذا لأن هذا كله أمر الله وأنا راضية بقضاء ربي وأعلم جيّدًا أنه سيعوضني خير عن كل الحزن الذي بداخلي وعن كم الخذلان الذي أتاني في أيامي الماضية، وأتمني من أعماق قلبي أن يجبر الله خاطري.
نص من كتابات كاتبـكِ المُفضل؟
وأنا كُنت من ضمن اليتامى ..وعيني الحيلة مكسورة
كانت تمُّر اليمامـة بجناحها المرفرف في السما.. فأسبق عشان ألقُطها صورة
كانت دموعي الـخاينة منطوَرة
حذّرتها .. لو وسط قعدة وناس متنزليش
زيدي يامّا الخوف عليّا ويده ومتخافيش
كُلـُّه زي الخوف وعكسـُه
خافي .. لأجل البت مريم مش بخير
متخافيش .. علشانها يامـَا اتعودت
اتودكِت ع الموت!
اتودكت ع الموت وعلى طعمـُه
نابها إيه من ضهرها في الخوف سوّا قطَّـمُه((('
مريـم ربيع القالع.
كلمـة للجريدة نختـِم بيها الحوار؟
شكرًا جدًّا ليكم طبعًا
تحبي تضيفي كلمات للحوار؟
شكرًا.
ليست هناك تعليقات:
إرسال تعليق