"قلبي العجوز"
بسـم الله؛"
العالـَم كُلُّه شايفني أقويٰ
مـ الوقـعة بقوم وأرجع تاني
الخبـطـة تصيب قلبي بحُرقـة
وبداري وأقول مش وجعاني
وآخرهُم دكتوري النفسي
فأذاني بكام كلمة ونظرة
فـَ تشوفني تقول عايشَـة بتضحك
وأنا قلبي يعيَّـط مِـ الحسـرة
نظرات الشفقـة بتأذيني
وأنا كُل ما أعيَّط يسمعني
اكتبلي علاج يـ طبيب وقتي
وفي لحظة خوف بيهديني
وبقول بعياط مَـ انتَ الدكتور
وقالولي الفضفضه هتفيدِك
عيَّطت وعريتلَك ضعفي
متقولش دا حُزن وفي وريدِك
قدملي حلول
من غير لا جلسة ولا مُهدِّئ
ولا كام كلمة تقولهم حافـِز
أنا طفلة مـا زِالِت تتمزَّق
لكن قلبي عجوز برضو و عاجـِز
العـِلة صابت الوريـد ، فَـ اتقطـع
وأنا قلبي يصرُخ م الوجع وحزيـن
الوقت عدَّيٰ و قلبي كان اتخلـَع
وشافوني ساكِت بلعـن الغايبيـن
اليُتم كسرة والكسـور بتزيـد
الحُزن حسرة علي قلب بيعيـَّط
والقسوة دايمًا مُرَّة بالتأكيـد
و ازاي قلوب مكسورة تتخيَّط؟
دكتور ودمَّع م الكلام والحُزن
وقال لي عاجـِز عَـ السؤال وحزيـن
الكسر لو فِـ القلب صعب يتداوىٰ
لكن مُقابل خوف كبير لِـ سنين
مشيـت من عندُه ودا سؤالي
هي الكسور ازاي بتتصلَّـح؟
ومؤكد ضـمّ جرحي مُحال
والأصلح بُعدي مـهما كُنت بعيد
والبُعد عارفة إنُـه مُريب جدًا
وأنا بُعدي عنكم مكانش يومها سعيد
ولكنـُه أريَح من كسور فِـ الروح
الخدش منكم كان رُصاص حامي
وأنا كُنت جبل ومعاكو اتهدِّيـت
الحُزن عادي مسيرُه يتبخَّر
والفرحـة عادي إنها تتأخر
لكن أساسها لوحدي أنا عدِّيـت
بمنع يوماتي عيني ، فَـ تعيَّط
مولود وقلبي الطفل يقاوِِح الأيام
وشقوق في قلبي مُحال هتتخيَّـط
راجـِع بقلب عجوز وكاره الأحلام
الساعة عدت 7 بالتنهيـد
وهزايمي 8 يتعدوا وقت الليل
وأنا كُل مادا عايز أبقى بعيد
العُمر قاصـِد يبقي برضو بخيـل
ياخُد سنين وأيام
وقُصادها مسكن رُعب
يديني كُل الحُـزن
وأنا كـنت طالبـة الحـُب
كفايـة بجد حُزن وخوف
عشان واللهِ حيلي اتهـَد
دموعي صعبة بإنها متنزِلش
وجروحي صعبة إنها متنزِفش
وهزايمي سهلة بإنها تتعـَد
الدُنيا قاصـدة تهـِد أركاني
وطريقي خالي من سـَنـد بيشيل
الكُل صاب السهم في ضلوعي
القلب أصبح قلب طفل عليل _"
لـ مريم القالـِع.
جريدة إرتجال| عالم الكتابة
ليست هناك تعليقات:
إرسال تعليق