"تجريح النسوة"
من قلة الإهتمام بينا كبنات ندور على حد يكون، السند، والونس، والأخ،و الحبيب، والصاحب، والأب ويفاجأنا،و يطلع أفضل، وأحسن، وأحن من الغريب.........
نغيب بالسنين مقسومين و الحب قاسمنا وبهدلنا، وإحنا نستحمل عذاب الحب وقسوتة ونهون على نفسنا بكلمتينؤ نقول لنفسنا مسيرك تدوقي الحلو، ينداس علينا من أعز الناس ونتوجع، وهما مكملين في قسوتهم وحقارتهم، نحمد ربنا ونتفائل بالخير ونقول يارب.....
و يزيدونا عذاب، طب مش كفاية عذاب الحب! إللي بنتعذبه لما يغيب عننا ، ومنعرفش نكلمه، نطمن قلبنا بشوية كلام نحاول نقنع نفسنا بإنه بخير، ولما يجيلي الخبر اليقين، و أقول خلاص هتتعدلوا، للأسف الحقارة اتمكنت منكم، بقت النداله تتعلم منكم، الأصول دي بالنسبة ليكم شتيمه متلقش بيكم، زمان فكرت إنكم أعز وأقرب الناس ودلوقتِ بستحقر أقول إنكم القرايب، كنتم في يوم الحبايب....
دا حتى الغريب نصعب عليه ويعمل لينا الخير صدقة، أه صحيح أنا نسيت إنكم متعرفوش حاجه عن الخير، إنتوا تعرفوا ازاى تكسروا الخواطر، تجرحوا في القلوب السليمه ، وتتحكموا في إللي ميخصكوش، وبكل عين قويه تفضلوا دايسين على القلوب......
القلب شال و حَمِّل، ومشي و كمل، وساب كل شر وراه مشي، واستعان بالله، وقرر يصبر علشان ينول، لكنكم متهدتوش، ودمرتوا القلب كله، الدموع مبقتش عارفه تنزل على إيه ولا إيه، على غدر الأهل، ولا حطام، وكسرة القلب....
متقلقوش بكرا تدوقوا نفس الذل، والكسرة، وقلة الحيلة، والإكتئاب، والحزن، وكل مُر إحنا شربناه بسبب ظلمكم، ولما تدوقوا الوجع إللي إحنا دوقناه قلوبنا مش هتحن وتطبطب لأ دا قلوبنا هتشفي غليلها، والفرحه هتملي قلوبنا وإن ربنا جاب حقوق أوجاع كل كسرة القلوب......
للكاتبة : أماني فرج "الماسه"
جريدة إرتجال|عالم الكتابة
ليست هناك تعليقات:
إرسال تعليق