عن حد مات عزيز عن حد فارق وكان فارق يوم علي قلبك.....
عن أب مات عن حُب فات عن تفكير في الذكريات تفوت من جمبك
عن أملك إللي خاب في الدُنيا وفي الساعات
وكنت طيب ففكرت إنك ضمنت وجود ناس، أموات
عن فاطمه بنت صاحبتها سنه في ثانويه عامه
عن طيبتها وضحكتها ورقتها وفزعتي يوم وفاتها
مكُناش أصحاب أوي، علي قد ما كانت سايبه أثر طيب
أهو موتها ساب علامه وخلاني أفوق لأجل أن يكون يوم موتي قُريب
عن موت والد صاحبتي من فتره قريبه
عن ضحكه راحت منها فجأة الطيبه
الإنسان بقا عندو فوبيا من مين إللي مات
أو مين حبيبك قريب فات
أحنا كـ مصريين من صفاتنا الدايمه
مانحسش بالحاجه إلا أما تروح غايبه
الموت يكسر في الناس رغم إنُه حق جاي للكُل
أنا شوفت كسرة ناس فتكسرني كسرة مُرَّ
وأقول يـارب أجعل يوم فراقي قبل الكُل
لا أنا قادره أستحمل فراق ولا قادر أعيش بدونهُم عادي وحُر.
#مـــريم ربيع القالـــع.
جريدة إرتجال | عالم الكتابة
فرحت جدا لما انتي بقيتي كاتبه ربنا يوفقك يا قمر 🌹
ردحذف