زيك زي القمر بعيده ..
يا غشيمه في البعد ورقيقه ..
رقيقه في قربك وطيبتك ..
جمالك وضحكك ..
سامحيني انا حاربت كل الظروف..
وكل الظروف هزمتني ..
جايلك بهزايمي علي كتافي ..
وحنين الدنيا مهوش كافي ..
بحنين حضنك الشافي ..
ضميني وخليني اتعافى.."
عايز مكان عادي يجمعني بيكي بدل ذكراياتي ..
يمكن لم اشوفك مش هتوجع زي مبشوف ذكراياتي ..
مفيش ذكرى بتعدي عليا وانتِ مش فيها ..
كانك طيف ملازم افكاري ..
مش داري ايه الي بيجرالي ..
حتي في منامي مش مفارقه احلامي ..
وحلمت بيكي في ليله من الليالي ..
انك واقفه جنبي ايدك في ايدي وبتضحكيلي ..
والفرحه مش سيعاني ..
زي العبيط مش بعاني ..
صحيت ع الحلم فرحان ..
كأنك موجوده في حياتي ..!
وفجأة الدنيا بتضلم ..
وافتكر انك مشيتي ..
ملعون ابو الحلم ال فكرني بيكي ..
.منستش ليلينا يمكن انتي نستيها ..
انا غبي اه غبي واغبي من اني انسي ..
من اني انسي ليله كنتي معايه فيها ..
علي اي يعني مش عارف انساكي ..
وكل ليله بتعدي لازم استناكي ..
علي امل اني اشووفك ولو حتي صدفه في منامي ..
فراقك اه طول ..
بس انا طلعت في الفراق عيل ..
وحشتيني وصعبه عليا اقولهالك ..
بس وكتاب الله وحشتيني ...
طمنيني عليكي ..
كويسه ومبسوطه من بعدي ..!؟
ولا تايهه ما بين شارع واغنيه ..
ولا صورتي في دماغك مش منسيه ..
ولا بطلتي تسمعي اغنيا ..
ولا خلاص عادي الدنيا منهيه ..
مش مستاهله نسمع نفس الاغنيه..
ونقول بنحبها رغم الاذيه ..
كنت بخاف اشوف دموعك قدامي فا ابكي ..
فا بقسي وامشي لاجل ابين اني مش ضعيف...
يا اول حاجه اتمناها واشوفها في منامي ..
وتنسرق في الحياه قدامي ..
ارجعي ده الليل حالف ما يعدي في غيابك ...
بخاف تكوني نسيتي وانا المغفل ال لسه فاكر ..
بخاف امشي من الشوارع ال مشينا فيها ..
بخاف اسمع المزيكا ال تهونا فيها ..
خفت فا مشيتي في وقت ضعفي ..
فا ضعفت اكتر من ضعفي ..
يا نقطة ضعفي .."
ل*إسلام فخرالدين*
جريدة إرتجال|عالم الكتابة
ليست هناك تعليقات:
إرسال تعليق