الأشخاص اللي حواليك بيركزو على ردود أفعالك و إن أسألتك هنا بتبقا .........
1 انا رديت بس لكن هو اللي عمل المشكلة نفسها ازاي شايفين اني انا الغلطان
2 انا مش وحش اوي كدة زي ما هما شايفين هو عمل حاجة و انا إديت رد فعل طبيعية ليه انا بس الغلطان !
اولا : ردود الفعل ديه ناتجة عن فعل لما بنيجي نحاسب حد بنحاسب الأتنين مش عشان ده رد فعله كان وحش و قاسي يبقا ده اللي عليه اللوم لا ما هو التاني هو اللي خلاه يأدي رد فعل بالطريقة ديه
ثانيا : طريقة الكلام او بمعنى تاني تعبيرات وشك وانت بتكلم انا عايزة اقول إن ديه حاجة مش بأيدينا و ديه حاجة طبيعية جدا بقول حاجة بيظهر على وشي معالم كلامي احيانا فعلا بيبقا فيه طريقة كلام وحشة و ديه حاجة و تعبيرات وشك حاجة تانية خالص
طريقة الكلام هيا اللي نتحاسب عليها
تعبيرات وشنا حاجة مش بأيدينا عشان نغيرها .
بتمنى من اي حد قرأ المقال ده متزعلش من حد زعلك بكلمة او حد قالك انت شخص مش لطيف و تعبيرات وشك سخيفة لما تحس إنك فعلا غلطان صلح غلطك ، لما يكون فيه غلط في كلامك صلحه ، تعبيرات وشنا ديه حاجة من عند ربنا خليك واثق انك لو مقولتش حاجة غلط في كلامك و طريقتك كويسة متدايقش حتى لو جالك نقض كتير اوي على تعبيرات وشك .
اي نقض على شخصيتنا من اي حد مهما كانت قوتنا هيا بتسبب لينا قلة ثقة في نفسنا بنبقا أشخاص هشة اي حد يقول كلام لحد يشوف هو هيأثر عليه قد ايه من التأثيرات السلبية على الشخص ده في الوقت الواقعي و المستقبل .
قال ( صلى الله عليه وسلم ) : (من كان يؤمن بالله واليوم الآخر فليقل خيراً أو ليصمت)
لو عندك كلمة كويسة قولها مش عندك متقولش .
الكاتبة : منار سيد
جريدة إرتجال|عالم الكتابة
ليست هناك تعليقات:
إرسال تعليق