بهتت لكونها ناقصها كتير
يكفيك شر قلب إتعلق وإتساب.
طريق إختارته والتاني مُجبر عليه
مش عارف أوصل وأحقق ولا ألجأ لغيره وأرسى عليه.
كان ليا صاحب عمري زمان
كان كل شيء ويمكن جزء مني
وأهو هجر وكل شيء بنّا هان.
أيه يبقى لو الصاحب باع
ولو الابن ساب بيته لأجل إن الحال مش على هواه
ولو حُب إتبنى في سنين في لحظة تلقاه ضاع.
دنيا فانية بحورها واسعة
ومهما تقتلك وتهد فيك مش هتهدى
ومهما خدت منك وهلكتك هتفضل قاسية.
طيّب وفي حالك هتداس وملكش مكان
مُجبر تمحي قلبك وتقسى وتدوس على الخلق هيبقالك كل الاحترام والأمان.
مش ناسيك فاكرك وفاكر وجعي اللي أنت سببه
مش هنسى يوم ما جرتني في بحورك ويوم ما غرقت سيبتني أغرق وحيد
ونسيت عشرتنا وحكاوينا اللي إتهدوا.
كل شيء إتهد وداب
مبقاش صحاب ولا أحباب
كله هيهجر ويسيب وفي جرحك مش هتلاقي طبيب
طبيب يداوي جروحك ويلمها
ينسيك دنيتك اللي فاتتك وآلامها.
إنسى وفارق وأتعلم
متشيلش ذكرى لحد أنت معُدتش ليك مكان عنده
أمحي وجعك لحالك دي دنيا قتّالة همها تزيد همك.
وفــاء صــبــري' | الأمــيــرة الــصــامــتــة
جريدة إرتجال | عالم الكتابة
جميل ♥️
ردحذف