البدايات مبهره قوي لاي حد ... حاجه حلوه بتلمع قوووي لدرجه اني مش شايفه ملامحها ايه بس لمعتها الشديده كافيه تبهر وتجذب اي حد ليها
ولما ابدا اقرب بتبدا اللمعه دي تهدأ وابدا اركز واشوف تفاصيل الحاجه دي ايه ولما اتعمق اكتر واكتر هبدأ اشوف ايه العيوب اللي موجوده كمان
دي بالظبط زي حياتنا وانبهارنا بالناس اللي حوالينا ...
مينفعش اشوف شخص من اول مره واقرر اني انبهر واطلع بيه لسابع سما
لاني ف الحاله دي انا بظلم نفسي قوي وبظلم الطرف التاني معايا
احساس اني مطمن وقابل اللي قدامي بيجي مع الوقت ومع المواقف وده احساس كافي يخليني اقرر انا هكمل ف المكان ده وبتاعي ولا لا
لان بالنسبالي اني احس اني مطمنه اهم من اني احس بالحب لأن دي اول سلمه ف العلاقات
مينفعش انبهر من غير مقرب واشوف الصوره كامله بعيوبها ومميزاتها ... ف الحاله دي بس اقدر اقرر انا اه عايزاها وعجباني ولا لا انا مش متقبله العيوب الصغيره دي
الناس مش لعبه ف ايدكم .. فكروا كويس قوي قبل متنبهروا وتعشموا الناس بكلام حلو ومع اول مره الصوره تبدأ تظهر فيها تتصدموا وتبعدوا وده مش عيب اللي قدامكم علي فكره
.. ده عيب عيونكم وعقولكم اللي مشافتش الصوره الكامله ومش عايزه تشوف غير الحاجات اللي بتلمع وبس
#خواطر_اول_الليل
جورجينا امجد
جريدة إرتجال | عالم الكتابة
ليست هناك تعليقات:
إرسال تعليق