بعنوان: أنا اتمنيت أكون جنبك.
حاولت أنساك، وفي كل مرة بقول إن أنا نسياك، برجع للصفر ومن تاني بعود حباك، وكأنك سِم وأنا حابه وجوده في وريدي، وحُبك دا لا أنا عايزه ولا هو بإيدي، أنا أتمنيت أكون جمبك، أنا حبيت حياتي معاك، دفعت التمن غالي وقدرتك، عشان بس أكون وياك، وأديني بحَضّر قلبي لخسارتك، لو يوم حمِلتك فوق طاقتك، هتمشي، هتتعب يمكن، وأنا إتحملت فوق طاقتي وباقيه لسه وبكمل، خلاص ماشيه، أنا ماشيه وبحمد ربي علي وجعي، ودموعي نازله علي خدي وأنا ساكته، وأنا صامدة وواقفة وبعافر، وأقول يمكن يعدي الوقت ف يغير حجات جواك، وأقول جايز يكون شاغلك حجات تعباك، وأنا تعبانه عشان وياك، أقسمت أنك هتكونلي الضيّ وفي قسوة قلبك ملقتش أنا زي، وعايزني أبعد عشان ترتاح، كسّرت فيا كتير، وأنا عايشه معاك في جراح، دوست عليا وبجحودك كملت طريقك ولا عبرت، إديتك قلبي وكل ما فيا وكالعادة أنت ولا قدرت، وكملت حُبك مع غيري، من وقتها إتعكس سيري، وأديني عايشة و لكني ولا عايشة، ماشية في الدنيا دي زي الطايشه، من يومها أنقسمت روحي، مش عارفه أقوم وأداوي جروحي، مش قادرة أعيش من غير طيفك، من دون لمسة ايداك علي كتافي، حبك ليا دا كان شافي، طب قولي ازاي؟، ازاي عليا بقيت جافي؟، وكملت طريقك من دوني، طب حتى مبتشتاقليش؟، مبتشتاقليش؟، هكدب لو قولت إنك مبتوحشنيش، وإني قادرة اتخطي فراقك عن عيني، مش عارفه أفكر يوم غير فيك، وكات لمسة من ايدك علي جرحي تداويني، يا حبيبي مش قادرة أعيش حياتي من غيرك، ولا حتي أشوف حياتي مع غيرك، التربه كات مالحة وانا حالفة لازرع ورود، قربك مني كان جايحه، وأنا الهبلة بصدق وعود، وخلاص هنساك، وهحاول أتجاوز غيابك عن عيني، وفي كل مره بقول إن أنا نسياك برجع من الأول تاني واحتاجك تداويني.
كتبت: ساره سامح"ضجيج"
جريدة إرتجال | عالم الكتابة
بالله ماشوفت اجمل من كدا تمنياتى ليكى دايما النجاح ♥️
ردحذف