خلاويص للشاعرة
"مريم ربيع القالع"
'خلاويص'!
بسم الله؛
خلاويص .. خلاص يا حزيـن
عايـز تعيشهـا لمـين
بتنـّقي ناس تـهجُرَك ولا الجميع مساكـين
خلاويـص .. لاء لسـَه متهزرش
خلّـصت طاقتـَك ليه! مش قولت متكتــرش '
مع ناس بتوهـِم فيك إن العيوب طبعك
خلّصت ولا خـلِصت
وقدرت ولا تعبـت
عيطت ولا عاتبـت
كملت ولا هجرت والكـُل بيضلَك
كان مين معاك في الشـِده خِلّك وفاضلَك
كان مين معاك بالفـِعل يسنـد بكتفـُه إن مِيلت
كان مين في ضهرك سـَند
تتعب يكونلك وتـد
تهجـُر يكونلَك بلد بتحابي وتحاوطـَك
يسأل عليك إن توهـَت 'صليـت يا واد فرضك'
يحضُن كفوف ايدَك وميسبهـاش
يجري عليـك فـ الواقعـه ..ميهمّلش
تبكي!
تـلاحق دمعتُـه قبلَك
تضحك !
تلاقي الضحكه بتقابلَك
لو تنهزِم .. ويّــاه تكون اقويٰ
لو خوفـت يوم م البشر
يـُحضنك وتكون إيديــه مأويٰ
كان مين معاك يـ غبي ولا انت متخدر؟
تبكي يقولوا زيد مـ البُكي أكتـر ..
تضحك تشوف الكـُل مستكتر
عليك الفرحه واللهِ
خلاويص!
لاء لسه عندي كتيـر
فاشـِل صحيح في اللمـّه
انا كُنت بحلم اطيـر حد السما
عاجـِز قليل الهِـمـّه رافض حياتي المؤلمـه
لكـن في قلبي مكـان بيساعني في الأحلام
نفسي في أمـان يحاوطنـي وأطمن ميروحش بالأيـام
روحي اللي صابهـا الـحُزن .. متنصفتش
قلبي اللي ملكـُه الجـُبن ..يوم مفرحش
عيني اللي باشـت م العيـاط علي كـُل ثانيـّه من الزمن
صاحبي اللي لمـّا لجأتلـُه قام ردّني
وعرفت يومها ان الصُحاب لا تؤتمن
مُرهق حوار ان الصـُحاب تبقي السـَند والضـِله
مع كـُل شخص مِشي ساب نُدبـَه متحاسبتش 'إنّ الفُراق عِله'
خلاويص .. مِش شايف لاء الدُنيا ضباب
معرفتش ايوه اعمل اصحـاب
مهزمـش الـفرح في يوم خوفي
ولا هزم الماضي اللي واهمني..
الـجرح اللي تملّي بيكبـّر
بقي ظاهـِر فيّا كإني مريـض
انا خايف جدًا من نفسي .. الجرح عريض
وكبير جدًا متحاوّط بكلام مسموم
انا كـُل ما احاول اقوم تاني
بقلبها عياط مش قادِر اقوم
محسبتِش يومها الواقعه دي
ولا كـُنت اتمني اعيش ابدًا الباقي مهزوم"
خلاويص ..!
لاء لسه بنزِف دم
عيني اللي ورمت م البـُكا دمعها مخلصش
قلبي اللي قايم يشتكي .. موقفش
ايدي اللي اترعشت م الفـُراق لسـه
بتمسك في خيط امل مش جاي
رجلي اللي مشيـّت للـُقا
حكموا عليها تتقطع ازاي'
مش اول مره الحكم يصيب
ولا اخر مره هقول فيها ...الأمر عجيـب
مش سهـل علينا مانطمنــش
لو يبقي العالم كـُله أمـان
لو يبقي نصيبنا من الأفراح ..أضعاف ما صايبنا من الأحزان
لو نلقيٰ في شدتنـا حبايب من غير ما نشوف واحِد شمتان
خلاويص ..لاء لسـه بنعادي
خارِج حدود الأحترام والإنسانيـّه
خارِج حدود المُفترض والشمّاتيـن
خارِج حدود البني ءادميـن
الحُـزن بعد ما كان مؤقت بالثواني وبالدقايّق..الحُزن بعد ما كان كتيرُو بالساعات
الفرح اصبـح من صميم المُعجزات'
مريـم ربيع القالِع.
ليست هناك تعليقات:
إرسال تعليق