وصِّـيت يا رسول علينا ؛',
البنت لما بتتولِد
بتلاقي شخص يقول كلام
م الحُزن لازم تتوئِد
وتشوف في عين الأُم حُزن
والأب خايف م الزمن
والكل قالك وقتها
الدنيا دي لا تؤتمن
خايفين عليها من الزمان
قلة آمان
الواد بيبقي سند لأبوه
مش عار وكلمة من البشر
تفكير خُرافي فـ امسحوه
البنت خير في البيت أكيد
وإن الرسول وصى علينا
دا برضوا عيـد
إننا نون نسوة دا شيء عادي
مش شيء مكروه
عايشين نتعلّم ونعلّم
ويعيبوا في روحنا ونتألّم
و ازاي هتقول أو تتكلم
ماهي نون النسوة في بلدي دا عار
نون النسوة حقوق مسلوبة
تعيش منصوبـة
قيود وأحكام
إن قالت رأي أو اتناقشت
أو حتّى يوماتي تقوم تحلم
ينفوا الأحلام
إن لبست زِيّ سليم تسكُت
وإزاي تتكلم بتأني
مش عايشة حياتها ودفناها
هتعيشي في بلدك تتمنّي
لو في أحلام حققناها
إزاي مش عايزة تشوفي فُلان؟
والسن اتأخر في جوازِك
إنك يبقالك عزوة وبيت
دا أساسًا شيء من إنجازِك
عجلّي في جوازِك وافقي عليه
لـ يجيبوا العيب فيكي إكمنّي
صعبانة عليه
وإزاي تستعجل في جوازها
مش يمكن دا يطلع كداب
يطلـع بيسِب الدين مثلًا
أو يمكن يضرب فيّا يوماتي
ووقت ما يخرج يقفل باب
مش يمكن يطلـع شخص عنيف
يكسر خاطري بكلمة عشان
الشاي دا خفيف
أو مثلًا يعني مش حبّاه
أبسطها حقوقها يا سيدي معاه
وهكمّل باقي سنيني راضي
علشان أولادي ميتظلموش
طب م انتو ساعتها ظلمتوني
الدمع مبيّت في عيوني
البنت اتذكرت فـِ القُـرآن
أحاديث
ووصيـة
فروض
سـُنّة
والسعد إن زار
قلبك فرحان
علّمها أصول الدين
قُرآن
تفسير
حركات
غُنّـة
البنت مش للمـوت
ضحكتنا ساكنة بيوت
تفاصيلنا بتنجينا
وصيـت يا رسول علينـا
والكُل بيكسّـر
نجينا م العالم
والحُـزن يتيـسر ؛'
لـ مريّــم ربيـع القالـِع.
جريدة إرتجال | عالم الكتابة
ليست هناك تعليقات:
إرسال تعليق