*سموم الآخرين*
_لماذا أنتم لا تعملون بحال قلبى المسكين الذى أصبح مداسًا لالسنتكم الجارحة؟!
_هل تعلمون كيف حالى الآن؟!
_سأنقل لكم نبذة من معاناتي كل يوم، بداية من الصباح الباكر بالجامعة.
الدكتور/ هو انت اتأخرت ليه.
أنا/ معلش يا دكتور زحمة مواصلات.
الدكتور/ لا ده إسمه إستهتار وقلة مسؤولية لو مش عايز تتعلم بتيجي تقرف أهلي ليه.
_طبعًا أنا بلحظة دى قلبى بيتقطع من الكلام ده، وبكون مكسور الخاطر.
_ وبالشغل....
المدير/ هو كل مرة نفس الأخطاء ايه هو أنت مش بتفهم، أنت واحد فاشل، وعديم المسؤولية، أنت بتقول ايه عايز يبقى ليك اسم ابقى قبلنى لو ده حصل، ده مستحيل، أنت واللي زيك فاشلين، وهتفضلوا طول عمركم فاشلين.
_لحد ما فى أخر النهار أرجع البيت وأنا منهار تمامًا من كل حرف أنا سمعته، وبيبقي الكلام يتردد بدماغي، ودموعي على خدي لحد ما بقول لنفسي بتردد معقول هو أنا فاشل، وعديم المسؤولية لحد ما بقول لنفسي بتأكيد آه أنا فاشل! كل حاجة بتبوظ مني، وأنهار ساعتها تمامًا، وأفكر بالإنتحار.
_الناس عمرها ما بتأخد بالها من كلامها، ولا عمرها بتراعي شعور إنسان.
_الناس بتطلق ألسنتها الجارحة لينا.
_عمره ما كان تهزي إنسان وإهانته والتقليل من شأنه عظمة لا ده إسمه قلة إحترام.
_ القسوة عمرها ما كانت قوة،أذي الناس بالكلام عمره ما كان فخر، ولا وسام شرف لحد.
_كلامك ده كفيل أنه ينهي حياة شخص وكفيل أنه يرجع الأمل ليه من جديد.
_ إرحموا القلب المسكين المهموم اللى أتعبته هموم السنين، وأتعبُ الكلام الجارح إرحموا القلوب فرب القلوب رحيم....
_ الكلمة الحلوة صدقة فبلاش الكلام القاسي، والجارح ده، وخلينا نحافظ على بعض أكتر من كده، وخلينا نحتوى بعض أكتر، وخلينا نرتقي أكتر بالتفكير والتعامل والمشاعر....
ك/أميرة إسماعيل السلك
جريدة إرتجال| عالم الكتابة
جميل♥️
ردحذف