_مليكة عايز اقابلك
=وانا كمان عايزه اشوفك بس عندي شغل
_خلاص خدي بكرا أجازه
=مش هينفع عشان خدت اجازتي
_لا اتصرفي لازم اقابلك
=خلاص هشوف
_تمام أنا هقفل بقي دلوقتي عشان اكمل شغلي
=اوك
نسيت اعرفكم بنفسي أنا مليكة 21 سنة بشتغل سيلز في مول و اللي كنت بكلمه ده جاك اقرب صديق ليا من ايام الجامعه
*هتقابليه ازاي وانتي عارفه أن المديره مش هترضي بالاجازه
=هجرب لازم أقابله
*انتي عارفه أن حبك ليه غلط
=مش بايدي عارفه أنه غلط و حرام اني احب حد مش من ديانتي بس مش عارفه أطلعه من قلبي
*وبعدين ايه اللي هيحصل
=انتي عارفه اني بطلبه من ربنا كل يوم بدعي أن ربنا يهديه و يدخل الاسلام بس مش عايزاه يدخل في الاسلام عشاني لانه ممكن يمل أو يغير رأيه عايزاه يدخل عن قناعة عشان ربنا عشان ربنا يجمعنا في الجنه
*عارفه يا حبيبتي بس انا خايفه عليكي
=انا هقابله بكرا و اقوله اني بحبه و هسيبه يقرر نهايه علاقتنا
*ربنا يريح قلبك يا حبيبتي
=يارب يا ريتاچ ادعيلي
*بدعيلك يا حبيبتي
=طب أنا هدخل للمديره عشان الاجازه
*اوك
دي ريتاچ صحبتي الوحيدة اللي تعرف بحبي لـ جاك و دايما تحظرني اني ابعد عنه عشان كسره القلب
_ادخل....ايوه يا مليكة في حاجه
=بعد اذن حضرتك كنت عايزه اخد بكرا أجازه
_ايه....لا طبعا مينفعش انتي لسه واخده اجازتك
=عارفه بس انا محتاجه اليوم ده ضروري
_اسفه مش هينفع لو خدتيه هيتخصم منك اسبوع
=تمام وانا موافقه
طبعا أنا جازفت بالخصم عشان اشوف جاك و تاني يوم الصبح روحت الكافيه اللي متعودين نقعد فيه
_كل ده تأخير يا باردة
=مانت عارفني فاشون ايكون لازم اتألق
_اتوكسي
=مش هرد علي واحد مبيفهمش في الموضه زيك
_ماشي ياستي.....هاااا تشربي ايه
=اسمها تأكلي ايه
_معلشي.....هاااا سيادتك تأكلي ايه
=كريب بانيه طبعا
_كنت عايزك في موضوع كبير
=يابني انت مواضيعك ع طول صغيره
_لا مانا لما كبرت هي كمان كبرت
=طب قول شوقتني
_لا لما تخلصي اكلك الاول
=لا مش قادره اكمل اصلا احكي
_مش قايل غير لما تخلصي
=والله هرجع في وشك
_وانتي فكراني هسكتلك
=هتعمل ايه يعني
_هرجع انا كمان
=اخلص يا مقرف
_انا نويت ادخل الجيش
=حلو
_وبعدين هتقدم لـ مارتينا
=ايه انت قولت ايه
_زي ما سمعتي
=انت بتهزر صح
_ايه الهزار في كده وبعدين هي صحبتك فا اكيد انتي عارفه انها كويسه
=طب وانت بتحكيلي ليه
_عشان انتي اختي و حبيت اعرفك قبل ما اخد اي خطوة
=اختك
_ايوه
=تمام وانا موافقه.....بعد اذنك هدخل الحمام
طبعا كان لازم أهرب قبل ما دموعي تخوني و تنزل قدامه مش قادره اوصف احساس الكسرة اللي انا فيها دلوقتي كل احلامي اتهدت و الدنيا ضلمت في وشي و صوت ريتاچ في وداني عن كسره القلب هو ليه محبنيش هل أنا متحبش يارب خرجه من قلبي انا قلبي واجعني اوي
_اتاخرتي ليه
=انا لازم امشي
_ليه ايه اللي حصل
=لا مفيش بس ماما تعبت شويه
_طب يالا اوصلك
=لا خليك انا هروح ع طول
_قدامي من غير كلام
ركبت معاه وانا بتجنب ابصله عارفه انها اخر مره هشوفه فيها
_ابقي طمنيني علي مامتك
=إن شاء الله....سلام
_سلام
عدي سنة و نص وانا مبردش علي مكالمات جاك ولا بقيت اشوفه و في المده دي كان خلص الجيش
يتبع......
#اية_طارق
جريدة إرتجال|عالم الكتابة
ليست هناك تعليقات:
إرسال تعليق