اكتر حاجه ممكن تخليني طايره من الفرحه هيا اني احس اني مميزه او حد شايف فيا حاجه حلوه انا مش عارفه اشوفها في نفسي كويس
احس اني انا وبس اللي موجوده في حياه اللي قدامي
احس اني مميزه ومتشافه بشكل مختلف وبيتعامل معايا علي هذا الأساس طول الوقت
احس اني مميز ف شغلي ... او حياتي... مميزه حتي بيني وبين نفسي
مميزه باختلافي .. مميزه بضحكتي وجنوني اللي اكيد مش شبه حد
في جمله مهمه قوي بالنسبالي ومؤمنه بيها .....
(حجم ثقه حد في نفسه وحبه لذاته تتناسب طرديا مع حجم الكلام الحلو اللي بيستقبله من الناس اللي حواليه )
يعني ان ثقتي في تميزي أو في حاجه حلوه فيا بتتكون جوايا من خلال الكلام اللي بسمعه عن نفسي من الناس اللي حواليا
زي أن حد يفضل يقولي انتي شاطره .. فاهتتكون الثقه دي في نفسي وابقي ماشيه علي أساسها طول الوقت وابقي عايزه اثبت دايما اني فعلا شاطره
او أن حد يقولي عنيكي حلوه .. ف افضل ابص ف عنيا كتير وابدا احبها
احساس التميز واني شخص حلو ومميز احساس حلو قوي .. وللاسف مش كتير حوالينا بيعرف يقدم الاحساس ده ليك بشكل صح وبطريقه لطيفه ( مش معاكسه ولا مجامله)
اتعلم انك تقدم للي قدامك ثقه وكلام حلو عن نفسه عشان تشجعه وخليك متاكد انك تلقائي بتحببه في حاجه هو من جواه مش حاببها اشتغلوا علي الحته دي دايما ف حياه اللي تعرفوهم حاولوا تفهموا هما مضايقين من اي فيهم وأتكلموا معاهم علي أن الحته دي مميزه مش عيب ومش وحشه .. مفيش حد حوالينا مش محتاج يسمع كلمه حلوه
كلامكم بيفرق في حياه اللي حواليكم ... اتعلموا تقدموا حاجات بكل حب
جورجينا امجد
#خواطر_اول_الليل/ جريدة إرتجال
ليست هناك تعليقات:
إرسال تعليق