"حلو و حادق"
سرحت ف الكلمتين دول شويه ..
تفتكروا احنا لو مكناش نعرف طعم الحادق كنا هنحس ب الطعم الحلو ؟ اكيد لا كان لازم تدوق المخلل علشان تعرف تحس بحلاوه الشكولاته ..طب ايه الفكره من المثل دا ؟ هو أنه كان لازم تتوجع وتتعب علشان تحس بعوض ربنا ليك ..علشان تعرف قيمه العوض اللي ربنا هيبعته ف وقته ..كان لازم تجرب كل حاجه علشان بعدين تبقا قادر وفاهم وعقلك نضج وبقا يعرف يقرر فين الحلو وفين الحادق ..متزعلوش لو اتوجعتوا من حد إذا كان "أهل ولا صديق ولا حتي حبيب" ربنا عمل كدا علشان غرض معين وهو تعليمك الفرق بين الحلو والحادق ..علشان تعرف تختار بعد كدا الأشخاص المناسبه ليك ولحياتك ..ربنا مش ظالم علشان يسبنا نتوجع ويقف يتفرج علينا هو بس بيدينا الدرس وبعد كدا بيدينا الحاجه الحلوه اللي قادره أنها تنسيك الطعم المر اللي دوقته ..ثقوا في ربنا وفي ترتيباته حتي لو شايف انها متعبه بس تاكد ان التعب دا بيجي بعديه فرحه كبيره اوي لدرجه انك هتقول ياااه يارب كل دا عملتهولي علشان اتوجعت شويه .. ربنا قادر يفرحكم ويعوضكم خير
ربنا يفرح قلوبكم ويعوضكم عن اي تعب أو وجع شوفتوا
#شويه_فضفضه
مريم باآسم
جريدة إرتجال | عالم الكتابة
ليست هناك تعليقات:
إرسال تعليق